خطرفة ..

طيب وأنا أعمل شنو ؟!
في شنو ؟
في الحاجة القلتها ليك ..
انت أصلاً ما قلت أي حاجة ..
انت متأكد ؟! ..
أيوة ..
طيب وأنا أعمل شنو ؟!
في شنو ..
في المشكلة دي ..
ياتو مشكلة ..
المشكلة القلتها ليك وإنت قلت أني ما قلت ليك عنها أي حاجة ..
إنت مجنون وللا بتخرف ( تاااااااااااااااني عادل إمام ) ..
أيواااااااااااا أنا دي ذاتا مشكلتي ..
طيب ممكن تنسى الجوطة الجواك دي وتحكي لي الحاصل شنو ومشكلتك إيييييييييييه ؟! ..
ليه يا قلبي ليه ..
تاني رجعت ليه ..
زي أيام زمان ..
عدت تحن ليه ..
طيب يا حبيبنا المشكلة الحقيقية في حياتي ..
هي ..
شكلك ما كنت معاي ..
لا أنا معاك بس انت شكلك الما كنت هنا ..
انا مش قلت ليك أنا رايح شديد ..
عرفنا ومنتظرينك توضح ..
طيب يا حبيبنا المشكلة الحقيقية في حياتي ..
أيوااااااااا ..
هي ..
أيييييييييواااااااااااااااا ..
أنو مرات بحس بأنو أنا ما أنا ..
ممكن توضح ..
ما واضحة زي القمر 14 ما فهمتها يعني ..
لا فهمت بس كلامك دة لو زول فهموه يفهم أنك مجنون ..
والله ما مجنون ..
أنا أصلاً عارف مشكلتي كويس ..
أنا إنسان عادي ..
سوي ..
متواضع الإمكانيات ..
متزن المواهب ..
متعدد الأعضاء الجسدية ..
زيك كدة ..
بس المشكلة الكبيرة بالجد ..
أنو مرات بحس أنو أنا ما أنا ..
يعني بطلع مني وبعاين لي من منظور خارجي عني وبلقاني مليان حاجات كدة ما عاجباني ..
بضطر أرجع لي عشان أعالجها ..
وببدأ في علاجها كوتة واحدة ..
كوتة دي شنو ؟! ..
يعني كلها مع بعضها ..
وبالتأكيد ما بقدر ..
فبرجع أطلع مني عشان أعاين لي تاني وأشوف الجديد شنو ..
فبلقاني أكعب من الأول ..
برجع تاني بحاول أصلح ..
ومع كثرة محاولات الإصلاح ..
بقيت ما عارف أنا عايز شنو ..
وماش لوين ..
مشكلتك دي صعبة شوية محتاجة لدكتور نفساني ..
بالعكس ممكن أحلها بسهولة جداً ..
طيب مدام كدة مستشريني ليه ..
شنو ؟! ..
ليه حكيت لي وانت عارف حلها ..
ياااااااااااااااااه شكلك كدة مجنون ..
لحدي هسي ما فهمتني ..
؟! ..
حكيتا ليك إنت بالذات ليه ؟! أسأل نفسك السؤال دة ..
ما عارف مكن تبطل ألغاز وتتكلم بطريقة مباشرة ..
وووووو ..
قووووووووووووووول والهدف الأول .. تشلسي يتقدم على الموردة بهدف ثالث من تسديدة قوية قوية قوية قوية قوية قوية من قدم اللاعب رونالدينو ..
ما علينا ..
نرجع لموضوعنا ..
أنا حكيت ليك ما عشان تساعدني ..
طيب حكيت لي ليه ؟! ..
عشان أوجع راسك ..
بااااااااايخة ..
بالجد كدة اتخيلتك فهمت السبب ..
ياااااااخ ما قلنا ما فهمنا ..
هو الفهم بالعافية ..
طيب يا باشا ..
ولا تزعل نفسك ..
انا حكيت ليك إنت بالذات ..
لأنو دي المشكلة الانت بتعاني منها ..
( نظرة استغراب ) ..
وما تقول لي لا ..
وأبداً ..
ومش عارف إيه ..
وحد ينسى نفسو ..
حد ينسى عمرو ..
من غيرك أحبو ..
وأبقى تحت أمرو ..
يا سلام عليك يا جورج وسوف ..
كنت ممتع ..
واختيارك للكلمات ذوق ورائع ..
وزي ما بقول عادل إمام ..
لا يا شيخ ..
تخيل أنو قبضوك بتهمة صادقة بامتلاكك لكمية من الهيروين ..
طيب هم قبضوه ليه ..
أكيد عشان يستهلكو همّا ..
ما علينا ..
نرجع تاني ليك ..
كنا بنقول في شنو ..
بالتأكيد دة الانت بتعاني منو ..
والمصيبة ..
انك بدل تحلحلو ..
وفي لهجة أخرى ..
تصحصحو ..
وأوعك تصحي قبل الساعة 9 لأنو الليلة السبت إجازة ..
والله البلد من كترة الإجازات ما باقي ليها إلا ينقصو ساعات العمل لساعتين ..
عشان يرتاحوا بقا من وجع الدماغ دة ..
شعب البهجة والكسل المفرط ..
والمعاناة والفخفخة وحب الظهور ..
والنطيط في المواضيع الما بتخصك ..
ووووووووووو ..
المهم دايماً خلي في بالك ..
بداية أي علاج أو تغيير للأحسن ..
بتكمن في اعترافك بأنو في حاجة مش ولا بد يعني لازم تتصلح وتتغير ..
ابدأ وشوف تاني البحصل شنو ..
وتأكد أنك لو بديت صح ..
هتحقق أحلامك كلها ..
لأنو لا مستحيل تحت البلكونة ..
وزي ما قلنا ..
الايدو في الموية ما زي الايدو في الموية ..
موووووووووية ..
بالمناسبة ..
اضطر اعتذر لانوا تذكرت اني جيعان خاااااااااالص ولازم اجري سريع عشان اشرب ..
وما اشربش الشاي ..
اشرب قاززوزة أنا ..
مشربش الشاي ..
أشرب قازوزة أنا ..
ويا حليلو البشرب قازوزة اسمها ..
أوباما ..
ولينا عودة معاك يا أبوما ..
عفواً أوباما ..

العايز يقرأ يقرأ والما عايز هو حر

بسم الله الرحمن الرحيم
طيب ..
من البداية وبالواضح كدة الما عندو أخلاق للقراية ما يقرا ..
والما عندو قدرة يعبر عن رايو يتخارج من هسي ..
لأني ناوي أخرمج بكيف كيفي ..
فيها شنو يعني لما الواحد يعبر عن الشايفو ويكتب وينفجر كمااان ..
يعني الناس البتكتب في الصحافة والبتاعات ديل أحسن مننا في شنو ؟ ..
كل الفهم أنو لقو الفرصة ينقلو كلامهم من جواهم وعقولهم لكل العقول ..
ببساطة كدة ..
أيوة ببساطة كدة ..
يعني عاين للواحد فيهم رجلين ويدين وراس وعينين ومش عارف إيه ..
أقيف قدام المراية هتلقى نفس الحاجات العندهم عندك ..
طيب الموقفك عن ابداء رايك في الحاجات البتجرى من حولك شنو ؟ ..
ما فاضي ..
مالك شغال ومشغول ..
ما كل الناس شغالين ..
ياخ السفير بلقى وكت يخرمج فيهو ..
طيب مالك في سبب تاني ..
أكيد ..
شنو يا شخص ..
ما بعرف أكتب ..
انتم فتكر الناس البكتبو ديل كلهم بعرفو يكتبو ..
انت ما لازم تتعنتر وتبقى امرؤ القيس ..
بتعرفو ؟! ..
دة واحد شاعر كدة جنو شكل ..
ما علينا ..
كل العليك تمسك القلم وتكتب الحاجة الجواك ..
مالك بتضحك ..
حكاية القلم دي ما عاجباك ..
بلاش القلم يا إنسان ..
دردش مع الكيبورد شوية ..
كيبورد ؟! ..
ما عارف الكيبورد ..
وعامل لي فيها مثقف ومودرن ومتحضر ..
الكيبورد دة يا أستاذ البتاع البكتبو بيهو البتاع عشان البتاع الكتبتو ينتشر في عالم البتاع ..
شكلك كدة فهمت ..
أكيد لأنو البلد كلها بتاع في بتاع ..
وعلى قول عادل إمام ..
كل بتاع يخلي بالو من البتاع المعاهو عشان ما يجو بتوع ويشيلو البتاع بتاعو ويبقى ما عندوش بتاع ..
طبعاً دة ما كلامو بالنص بس اتصرفنا فيهو شوية ..
إلا بالأمانة ..
هو عادل إمام دة منو ..
آآآآآآ دة الفنان البغني حنانة ..
تخيل فنان وراجل يعني ذكر وفي رواية قديمة كدة مخجلانا ضكر وطبعاً الخليجيين هيقولوها ظكر تخيلوا بغني حنانة ..
والأحلى ..
دق الباب ونقرو ..
ما فتحو لي قام دفرو ..
في قلة حياء أكتر من كدة ..
والله عجيب ..
الحاجة البتحرق الدم لما تلقى الراجل بقا ذكر ..
والمرأة بقت شبه رجل ..
طيب وينو المجتمع ..
ما كلو ماخد من كلو ..
بالله عليكم دة وضع ..
كل يوم جمعة ودة يوم بركة زي ما عارفين بنمشي حدايق النيل ..
نظام شباب فقط ..
نلعب كشاتين ..
الاسبوع الفات ماخد سيك من تلميذي ..
أبو الجن زاتو ..
لو في واحد كيشة ممكن اعلمو وبعداك اسيكني عشان يبقى حريف ..
ما علينا ..
المهم الواحد بنطط عيونو وبتاوق ..
وهاك يا وفود ..
شي محزق وشي ملصق وشي ما بتوصف ..
اكتر حاجة محيراني بالجد ..
دي اللبسة وللا الجلد ..
الذ ما في الموضوع .. بناتنا الغبيات شديد ..
الواحدة فيهم مفتكرة انو كدة هتتصدر قائمة ملكة جميلات العالم ..
وهي كان عجنوها بعسل وسمسم وتفاح ومنجا ما بتجيب قطعة سكر مكعبة خلي جمال عديل كدة ..
ما بقول انو الجمال مفقود ..
بالعكس البلد مليانة جماليات وجميلات ..
بس القاصدو انو المتوشحات ذوات الأثداء البارزة مفتكرات الحاجة عكس الحقيقة ..
يعني أي ولد جواهو حاجة واحدة ..
آآآآآآآآآخ من البقرة دي ..
الواحد كان لقى فيها فرصة ..
سكاليبا تجيب آخر الحلة ..
بس ..
ما علينا ..
زمان والكلام دة ما بعيد أربعة أو خمسة سنة لورا كنا بنخجل نذكر مدينة النهود في كلامنا أو الدبة ..
بس هسي ..
اوووووووووو النهود بقن باينات للعيان ..
والعجب الدبة ..
حاجة تلخم الما بتلخم ..
بس ما ملاحظين انو في احتكار سوداني للمؤخرات الثقافية ..
وررررررررررررروووووووووووووك نسيت اهم حاجة الطحش ودي لهجة شامية ما عليكم بيها معناها الدلخ ودي لهجة خليجية ما عليكم بيها برضو ..
انت قاصد شنو يااااااااااااااخ بريتنا وقديتنا ..
عارف بريتكم بس اتحملو ..
طيب من الاخر كدة تم كلامك وقول لينا قاصد شنو ..
انا قاصد الحمار المتخلف البليد الماشي معاها وبتضاحك زي العوير ..
عليك الله دة ما راجل ..
لو قال دي واحدة ساااااي ..
فعيب عليهو يرضى لنفسو يمشي مع واحدة ساي ..
لانو معناتا هو زول ساي ..
طيب لو قال انو دي قريبتي او اختي ..
نقول ليهو في دكتور ورا موقف بحري هناك جنب المطار اسمو (امتحن وضعك) ..
معقولة قريبتك او اختك ترضى انو تكون كدة ..
طيب هي قلنا اخلاقا عالية وثقتك بيها مية الميييييييات كماااااان ..
طيب بتثق في عيون الشباشب القاعدين يتصيدوا الاجساد الممتلئة وعريانة وهي لابسة وزي ما بقول عدولي الامام لابسة من غير هدوم .. المرة دي الكلام حقو ..
اوعا تقول لي النظر ما بأثر ..
هو صحيح ما بأثر معاك ..
بس بأثر معاها هي ..
لو قلت غلط معناتا انت بليد ..
لانك ما بت عشان تعرف نفسية البنات ..
عموماً هتجي معاي لآخر خيار ..
أو عجور ..
الا وهو دي خطيبتي ..
عندها بقول ليك مبروووووووووك ..
خطيبتك خطيبة للملايين ..
الكلام دة كلو الجابرنا عليهو شنو ..
الخرمجة وعدم الموضوع ..
اكيد لا ..
بس الجابرانا حاجة واحدة بس ..
نشوف منو من الناس وتحديداً الشباب الشايف انو الوضع دة هو الصواب ..
وزي ما قلنا في البداية وبالواضح كدة الما عندو أخلاق للقراية ما يقرا ..
والما عندو قدرة يعبر عن رايو يتخارج من هسي ..
لأني ناوي أخرمج بكيف كيفي ..
ويا هو دة خرمجت ..
وروني هتعملو شنو ؟! ........